Një autobus me mërgimtarë nga Kosova është sulmuar mbrëmjen e djeshme në Serbi.
Burime për median kanë konfirmuar se autobusi po udhëtonte drejt Gjermanisë, ku dhe është sulmuar nga pjesa para tek xhami i shoferit.
Pamjet e siguruara nuk tregojnë qartë se me çfarë është sulmuar, nëse ka qenë armë zjarri apo mjet tjetër po fatmirësisht nuk ka të lënduar.
Lajmi është konfirmuar nga kompania Fadili Tours, ku raporton se sulmi ka ndodhur rreth orës 21:00 në Krushevc.
“Shyqyr Zotit nuk ka të lënduar. Jemi duke u marrë me disa procedura pastaj do ta vazhdojmë rrugëtimin. Udhëtarët ishim emigrantë nga Kosova. Sulmi ka ndodhur rreth orës 21:00, në Krushevc”, raporton Express.
Shfaq Komentet (0)
